Cebu City maoy kinadaghanan og nakalas sa COVID-19

CEBU, Philippines — Bisan og giisip na nga ‘flattened curve” na ang COVID-19 dingi sa Cebu City, ang siyudad mao gihapon ang nag-una sa dunay kinadaghanang nakalas gumikan sa maong sakit dinhi sa tibuok nasud.

Base kini sa talaan sa sinimanang monitoring sa Department of Health. Matud pa ang Cebu City nakatala og 656  ka mga nakalas, ang Quezon City nga usa sab sa nagrabehan nakatala og  483 nga nakalas, Manila City 395, Cebu Province 342 ug ang Pasig City sa ilang 246.

Ang DOH-VII case bulletin nga gipagawas niadtong Oktubre 3 (adlaw nga Sabado) nagpakita nga ang Cebu City aduna na karoy 10,025 ka mga kaso ug  675  na ang nakalas o case fatality rate (CFR) nga 6.73 %  samtang ang Quezon City  aduna nay 26,839 ka mga kaso ug 483 na ang nakalas, ang ilang CFR  1.8 % lamang.

Sa mga nangamatay dinhi sa Cebu City ang Emergency Operations Center(EOC) sa siyudad miingon nga dul-an 60 porsiyento sa mga nangamatay dinhi mga senior citizens o kadtong lapas 60-anyos na.

Mao kini ang rason nga si EOC Deputy Chief Implementer ug city councilor Joel Garganera mas gustong magpabilin ang restriksyon nga nagdili sa mga edaran nga makagawas-gawas kay para kaniya dili kini paghikaw sa ilang kagawasan kondili pagamping kanila nga di matakdan sa maong sakit.

Hinuon makagawas gihapon sila kun mopalit og panginahanglan o magpatan-aw sa doktor.

Si Dr. Bryan Lim, espeyalista sa infectious diseases miingon nga misimpatiya siya sa sitwasyon sa mga edaran karon, matud niya mahimong wagtangon ang restriksyon kini kun ang tanang establisamento estriktuhon ug monitoron nga kinahanglan gituman nila tanang health and safety protocols kontra Covid-19.

“Make sure establishments are safe. There is a DTI guidelines for workplace standards. But we need to make sure that these are implemented in the workplace. Trained health and infection prevention control officers (HIPCO) should be present per establishment, to monitor safety standards,” matud pang Dr.Lim.

Kinahanglang regular ang pagpahigayon og random checks ug audits sa gobiyerno aron mapugos gyud pagsunod ang mga negosyante sa mga patakaran.

Buot ni Dr. Lim nga kining mga establisamento magbutang og “senior-safe areas” nga diin adunay mga surgical masks para sa mga edaran tungod kay para niya di paigo ang panapton lang nga face mask. Kinahanglang  surgical mask ug face shields gyud maoy standard sa health and safety.

“Remember that although the elderly do not comprise the majority of all COVID cases, they do comprise around 60% of the mortalities. So we need to do what we can to minimize their risk,” pasabot pang Dr.Lim.

Sa dugang kalamboan,  ang DOH-VII latest bulletin nagpakita nga adunay 368 active cases ang Cebu City karon human nadugangan og 12 ka bag-ong kaso; samtang ang Lapu-Lapu City duna nay 158 active cases human nadugangan og pito u gang Mandaue City aduna na karoy  116 aktibong kaso human nadugangan og duha ka bag-ong kaso.

Samtang ang mga probinsya sa Central Visayas, ang DOH-VII data  nagpakita nga ang Cebu Provincenakatala na og 515 active cases human nadugangan og 30 ka bag-ong kaso. Ang Bohol nadugangan og tulo ka bag-ong kaso ug karon aduna na silay 99 ka aktibong kaso, Negros Oriental nadugangan og usa maong 62 na ang aktibong kaso sa ilang probinsya samtang nagpabiling usa lang gihapon ang aktibong kaso sa Siquijor. —The Freeman/IBM