Cebu City Hall of Justice gi-lockdown

CEBU, Philippines — Gipaubos og duha ka adlaw nga “lockdown” ang Cebu City Hall of Justice sugod kagahapon hangtud karong adlawa tungod usa ka tigpatuman sa balaod ang nagpositibo sa novel coronavirus disease.

Si Cebu City Regional Trial Court (RTC) Executive Judge Macaundas Hadjirasul mi-post pinaagi sa iyang Facebook post, nga dunay usa ka law enforcer  nga motambong unta sa nauswag nga hearing sa miaging  semana ang nagpositibo sa  maong sakit.

Plano karon nga mag- disinfect sa mga  lawak sa maong buhatan nga nahimutang sa Quimonda building sa North Reclamation Area.

Suma pa social media post ni Hadjirasul nga gisuginlan siya sa government contact tracers  niadtong Septiyembre 25  sa hapon kalabot sa resulta sa swab test sa usa ka tawo nga nakasulod sa  usa sa mga branch sa RTC.

Gitataw hinoun niya bisan nakasirado ang ilang buhatan padayon sila sa ilang mga trabahoonon pinaagi online.

Kahinumdoman  nga sa niaging mga buwan duna nay nga pamaagi ang RTC aron mapatuman gyud ang mga health protocol tungod sa hulga sa COVID19 sama sa electronic filing sa mga dokumento  ug ang mga online hearing sa mga kaso niadtong gipaubos pa sa enhanced community quarantine ang siyudad. /IBM (BANATNEWS)