347 nakalapas sa health protocols sulod lang sa usa ka semana

CEBU, Philippines — Nikabat ngadto sa 347 ang nakalapas sa health protocols lakip niini mga menor sulod lang sa usa ka semana nga natala atol sa higpit nga monitoring sa Cebu Provincial Police Office (CPPO) sa pagdagsa sa mga bisita diha sa mga siyudad ug lungsod sa Probinsiya sa Sugbo.

Matud ni Police Colonel Aladdin Collado, direktor sa CPPO nga gimandoan niya ang mga station commander nga mopahigayon og regular inspection sa mga resort ug facilities sa ilang mga lugar aron pagsiguro nga natuman ang minimum health standard protocols.

Ang kapolisan nipahugot sa ilang information drive pinaagi sa rekorida lakip na ang padayong pagpahigayon og contact tracing ug seminar sa tanang siyudad ug lungsod.

Gawas niini, ang CPPO nisundong sa Regional Integrated Covid Practical Operations Center (RICPOC) diin ang tumong mao ang systematic monitoring sa report kabahin sa kaso sa COVID-19 gikan sa rehiyon ngadto sa nagkalain-laing police station.

Matud ni Collado nga sa pagkakaron hugtanon nilang gi-monitor ang mga lugar sa lungsod sa Balamban ug Manipis diin ang maong mga lugar adunay daghang mobisita matag weekend.

"We are also conducting stakeholders meetings doon sa mga areas that are frequently visited by the local tourists, example of this, we have an executive meeting with the chief of police and local chief executive and mga restaurant and resort owners doon sa Balamban, kasi nakita namin na sa weekend na andun yung influx ng mga tao coming from the cities”, matud ni Collado.

Dugang ni Collado nga tumong sa maong mga meeting mao ang pagpahimangno sa mga establisamento sa ilang kaakohan alang sa pag-implementar sa minimum health standard protocols ug aron usab masuta kong natuman ba sa pasilidad ang mga standard ug required enforcement. The Freeman/BDB