BFAR nakakolekta og P1.72 milyones nga multa
CEBU, Philippines — Ang Bureau of Fisheries and Aquatic Resources-Central Visayas Adjudication Committee nakakolekta og P1.72 milyon nga settlement fines gikan sa mga nadakpan sa seaborne patrol karong tuiga.
Ang legal officer sa BFAR-7 Lauris Labasan nitug-an nga ang multa nga nakolekta naggikan kini sa kasong gi-file sa BFAR-7 ug ubang Law Enforcement Units.
Matud pa ni Josefina Flores, pangulo sa Fisheries Management Regulatory Enforcement Division nga gikan sa Enero hangtud niining buwana nakadakop sila og siyam ka fishing boats.
Gibutyag ni Flores nga dugay nang nasinati ang problema sa ilegal nga pagpanagat ug ang gobiyerno padayong nakigbatok niini bisan sa mga silot nga giimplimentar sa mga malapason.
Dugang ni Flores nga bisan og taliwala sa COVID-19 pandemics padayon gihapon ang mga hiniusa nga operasyon diha sa kadagatan batok sa mga ilegal nga kalihukan. /BDB (BANATNEWS)
- Latest
