Ferro magpabilin sa PRO-7

CEBU, Philippines — Magpabilin gihapon isip regional director sa Police Regional Office (PRO)-7 si Police Brigadier General Albert Ignatius Ferro ug kini iyang gipahibawo sa pakighinabi sa mga tigbalita kaniya kagahapon, usa ka adlaw human niya ipahibalo ang pagpabalhin kaniya didto sa kaulohan.

Kahinumduman nga una nang nabalita nga nipagawas og kamanduan ang Camp Crame nga nagrelibo kaniya ug ibalhin kini isip hepe sa Directorate for Integrated Police Operations ngadto sa Southern Luzon.

Ang mohulip kaniya dinhi mao si Police Brigadier General Jonnel Estomo nga gikan sa kaulohan Anti-Kidnapping Group sa PNP.

Apan kagahapon sa buntag sigon ni Ferro nakadawat siya og kamandoan Martes sa gabii gikan ni Philippine National Police Chief General Camilo Cascolan nga magpabilin siya sa PRO-7 ug maghuwat og dugang kamanduan hinungdan nga wala’y turnover ceremony nga mahitabo.

Depende matod pa sa guidance sa Chief PNP kun hangtod kanus-a siya magpabilin diri sa PRO-7.

“So far there was no specific reason but the guidance of the Chief PNP is that those that have been more than one year will be rotated, transferred to higher position. I’m only 7 months and 3 days today (kagahapon) so dili paman ko. One year, maybe If I have my one year I could be transferred already,” sigon ni Ferro.

Si Ferro milingkod sa PRO-7 niadtong Pebrero 6 ning tuiga diin daghan na sab kini og nahimong kaayuhan alang sa Central Visayas.

Gani sigon ni General Ferro usa sa mga accomplishment nga iyaha gyud nga ikapanghambog mao ang pagkontrolar sa pagkatap sa COVID-19 sa rehiyon.

“I believed, I-five strategic plan of PRO-7 is the key which means the acronym, first I, Inform meaning we have to cascade, we have to educate the people about the pandemic, about the COVID-19 and to tell the people of the do’s  and don’ts for us to be safe; the second I is identify meaning contact tracing, this is the game changer here in Central Visayas, we have done a lot of contact tracing here in fact we have develop our contact tracing manual and 96 percent of our personnel in PRO-7 around 9,500 are certified graduate of John Hopkins Bloomberg of Public Health,” dugang ni General Ferro. /IBM (BANATNEWS)