Cebu City 335 na lang ang kaso sa COVID-19
CEBU, Philippines — Ang mga active case sa COVID-19 sa Dakbayan sa Sugbo anaa na lang sa 335 base sa Septiyembre 5, 2020 nga datos nga gipagawas sa Department of Health (DOH)-7.
Ang siyudad nadugangan kini og lima ka bag-ong kaso diin walay natala nga recoveries ug namatay.
Ang Lapu-Lapu City aduna na lang kini 21 ka active cases apil na ang usa nga nadugang samtang ang Dakbayan sa Mandaue adunay 345 ka active case lakip na niini ang usa na nadugang.
Ang Probinsiya sa Sugbo nadugangan kini og 45 ka bag-ong kaso ug adunay 830 ka kinatibuk-ang kaso ug adunay 3,585 ka recoveries lakip ang ulahing lima.
Ang Negros Oriental adunay 40 ka kinatibuk-ang kaso lakip na niini ang walo ka bag-ong kaso samtang ang Probinsiya sa Bohol adunay 153 ka kinatibuk-ang kaso lakip niini 12 ka bag-ong nadugang.
Ang tibuok Central Visayas adunay 19,266 nga cumulative case lakip na niini ang 43 ka bag-ong kaso.
Gikan sa kinatibuk-ang kaso, nikabat sa 1,917 active cases; 16,212 ang naka- recover na ug 1,137 ang namatay. /BDB (BANATNEWS)
- Latest
