PRO-7 mopadala og contact tracing trainers sa PRO-6

CEBU, Philippines — Ang Police Regional Office (PRO)-7 mopadala og contact tracing trainers team ngadto sa Police Regional Office (PRO)-6.

Kini ang gibutyag ni PRO-7 Regional Director Albert Ignatius Ferro ngadto sa mga tigbalita.

Matud ni Ferro nga andam siya nga mopadala og pwersa ngadto sa PRO-6 apan tungod kay wala man sila mangayo hinungdan nga ang contact tracing team maoy iyang ipadala nga langkuban sa upat ka personnel diin aduna kini interviewer, mokuha og swab, encoder ug safety officer.

Dugang ni Ferro nga gihangyo siya ni Melquiades Feliciano, Inter-Agency Task Force for the Management of Emerging Infectious Disease chief implementer for the Visayas nga mopadala og personnel ngadto PRO-6 nga motabang kabahin sa contact tracing.

Ug iyang gipasalig nga usa ka team ang iyang patabangon ngadto aron mopaambit sa mga pamaagi nga gihimo sa Central Visayas. /BDB (BANATNEWS)