Dul-an 3,000 ka sakyanan natiketan sa 5 ka adlaw
CEBU, Philippines — Dul-an sa 3,000 ka tawo ang naisyuhan og citation ticket sa mga tinugyanan sa Cebu City Transportation Office sulod lang sa lima ka adlaw sa katapusan nga semana sa Agosto.
Matud ni John Paul Amores, information officer sa Communications and Electronics sa CCTO, nga gawas sa 2,986 nga naisyuhan og citation tickets, naka-impound sab sila og 77 ka motorsiklo, 46 ka trailer trucks ug 17 pa ka laing sakyanan.
Naka-clamp sab ang CCTO og 40 ka sakyanan tungod sa nagkadaiyang kalapasan sama sa defective headlights, plate lights, no delivery permit, parking sa side walk ug uban pa.
Giawhag sa CCTO ang mga biyahedor nga seguruhon gyud nga kompleto sila sa mga rekisitos atol sa ilang pagbiyahe aron dili makasugat og mga kalapasan. /GMR (BANATNEWS)
- Latest
