Garganera: Talandugon pa ang sitwasyon

CEBU, Philippines — Anaa na lang sa 626 ang active cases sa coronavirus disease sa syudad sa Sugbo sumala sa Agosto 26 nga datus nga gipagawas sa Department of Health apan dili kakumpiyansahan.

Dunay 621 ang nadugang nga naka-recover sa maong sakit sa Cebut City apan nianang adlawa nadugangan kini og 37 ka bag-ong kaso ug 16 ang nadugang sa mga namatay. Ang Cebu City adunay 9, 565 nga total confirmed cases.

Si Konsehal Joel Garganera, deputy chief implementer sa Inter-Agency Task Force (IATF) Emergency Operations Center (EOC) sa siyudad miingon nga adunay 39 ka mga bag-ong kaso nga natala sa EOC, sobra og duha kun itand sa datos sa DOH. Ang bag-ong kaso gikan sa 16 ka mga barangay.

Matud niya talandugon gyud kaayo ang sitwasyon kay gikan sa 35 barangay nga COVID-free nahimo na sab kining 33 tungod aning duha nga nakatala og kaso.

“Everything is so fragile. Yesterday, we have one digit figure, and today we have 39. Yesterday we have no cases for the police, and right now we have three cases. It’s a series of ups and downs,” matud niya.

Hinuon padayon ang contact tracing ug koordinasyon sa mga barangay nga adunay positibo nga kaso. “Na-flattened gihapon nato ang curve but then again within that flat area, naa gihapo’y spike gihapon. Mao gyud na’y ingon nga it ain’t over until it’s over. Og naa pa man gani gihapon na ang atong virus, there’s always this tendency nga mo-spike na siya,” matud ni Garganera.

Ang bag-ong kaso sa Covid-19 sa dakbayan naapil kini sa 148 nga nadugang lukop Central Visayas. Dunay 16 nga nadugang sa Mandaue, pito sa Lapu-Lapu,42 sa Probinsya sa Sugbo, walo  sa Talisay, duha sa Consolacion ug 36 sa Bohol. Sa 2, 207 ka mga active cases sa tibook region 7, anaa sa 648 ang na-admit sa tambalanan samtang 1, 559 usab ang naa sa isolation facilities samtang 15, 284 na ang nangaayo lukop rehiyon. – Le Phyllis F. Antojado ug Mary Ruth R. Malinao/IBM

PCR test sa LSIs, gastos sa modawat nga LGUs

Giklaro sa Department of Interior and Local Government nga dili na kinahanglan pa sa mga Locally Stranded Individuals (LSI) ang rapid diagnostic test isip requirement aron sila maka-uli sa ilang mga probinsya.

“Requiring Rapid Diagnostic Test, aside from being an additional cost to passengers, is causing a delay for locally stranded individuals (LSIs) to secure the necessary documents for their travel back to their homes,” pagbasa sa advisory sa DILG ngadto sa mga gobernador, mayor ug BARMM Minister.

Matud sa DILG sa guidelines alang sa mga LSIs, ang gi-require ra sa mga LSIs  mao ang medical clearance certificate ug travel authority sa dili pa sila molarga ug ang LGUs nga ilang ulian maoy mogasto sa ilang RT-PCR test ini og abot nila didto.

“...RT-PCR Testing will be conducted by the receiving LGUs upon LSI’s arrival at their final destination. There is no need to further conduct RDT and/or RT-PCR tests at the sending LGU,” dugang pa sa DILG advisory nga pirmdo ni Marcelo Morales ang Assistant Secretary for International Relations and Other Interior Sector Concerns. /IBM (BANATNEWS)