Merkado sa Pasil pasug-an og limpyohan sa dili pa buksan

CEBU, Philippines — Kinahanglan nga hayag ug limpyo ang Pasil Fish Market sa dili pa ang gikatakda nga adlaw alang sa pagbukas niini pagbalik karong katapusan sa buwan sa Agusto.

Kini ang mando ni Cebu City Mayor Edgardo Labella nonot sa gitakda nga pagbukas niini og balik sa publiko.

Sumala pa sa Mayor ang Pasil maoy tinubdan sa mga lab-as nga pagkaon, hinungdan nga kinahanglan hayag kini ilabi na panahon sa kagabhion aron luwas kini sa mga mamaligyaay ug mamalitay. Ang Mayor nitahas sa mga kawani sa Department of Public Services, pagbutang ug mga suga sa tibuok palibot sa merkado.

Ang Pasil Fish Market gikatakda unta nga buksan niadtong Augusto 15 apan gi-oktaba gumikan sa gitrabaho nga drainage sa mga tinugyanan sa DPWH . Samtang ang mga naninda sa Pasil anaa usa kasamtangan gipahimutang sa may South Road Properties kon SRP. /MEL (BANATNEWS)