Contact tracing epektibo

CEBU, Philippines — Gihulagway ni Department of the Interior and Local Government Secretary Eduardo Año nga ang agresibo ug ekstensibong contact tracing sa Cebu City maoy nakatampo sa dakong pagkubos sa gidaghanon sa mga nagpositibo karon sa novel coronavirus disease.

“We did a lot of things in Cebu but among all our interventions, we are making progress now because of contact tracing,” matud ni Año.

Si DILG Undersecretary ug spokesperson Jonathan Malaya miingon nga ang kalamposan sa siyudad bunga sab kini sa pagmugna og cluster clinics, barangay isolation centers, mga quarantine facilities, deployment sa contact tracing teams ug ang lapad nga testing.

“But the biggest game-changer in Cebu City is the aggressive contract tracing. Before they only had five teams; now they have 130 teams implementing the ‘Magalong formula’ of tracing 37 contacts per COVID patient,” matud ni Malaya.

“By doing so, they were able to immediately isolate those infected and cut the transmission before it infects the community. Now they see a downtrend and their cases are now manageable,” dugang pagpasabot ni Malaya.

Matud ni Malaya ang gihimo sa Cebu City mao ang pamaaging girekomendar ni Baguio City Mayor Benjie Magalong, ug nagkuha sab ang siyudad og mga encoders ug analysts nga naghimo og pagtuon sa trend sa pagtakod-takod diha sa komunidad.

Sumala pang Año ang kalamposan sa Cebu City ug Baguio City sa agresibong contact tracing batok sa pagkatap sa COVID-19 mamahimong “game changer” sab para sa tibuok nasud kun ang Kongreso motagana og pundo pagkuha ug pag-deploy og dugang mga contact tracers ubos sa Bayanihan 2.

Sa pagkakaron, ang tibuok nasud adunay 85,000 contact tracers apan kinahanglang pang magdugang og 50,000 aron makab-ot ang girekomendar nga 1:800 o us aka contact tracer para sa 800 ka tawo , sa World Health Organization.

“With a projected population of 108 million this year, we need 50,000 more contact tracers to attain the ideal number of 135,000 contact tracers to significantly ramp up our contact tracing efforts in all parts of the country but with emphasis on hot spots like Metro Manila and surrounding provinces,” matud ni Año.

Si Año midugang nga si Magalong mirekomendar nga 1:37 nga ratio o sa usa ka pasyente, 37 ka tawo ang kinahanglang pangitaon aron masigurong maputol gyud ang pagkatap sa virus sa usa ka komunidad.

“We need to significantly increase the number of contact tracers to meet the 1:37 ratio target recommended by Mayor Magalong which has been effective in Baguio and in Cebu City,” dugang pa ni Año. Gikan sa The Freeman/IBM