VSMMC magbutang og hemodialysis center sa SM Seaside

Cebu, Philippines — Nagkasabot ang SM Prime Holdings ug Vicente Sotto Memorial Medical Center (VSMMC) uban sa Probinsiya sa Sugbo nga magbutang og hemodialysis center diha sa SM Seaside, Cebu City alang sa mga renal patients.

Sa maong kasabotan ang SM motagana kini og 307.09 metro kwadrado nga lugar diha sa premises sa SM Seaside alang sa VSMMC sa pagbutang ug pagdumala sa 15 ka non-COVID-19 dialysis packages isip fully-operational dialysis center.

"As part of its public service endeavors during the pandemic, the SM Prime Holdings, Inc. heeds the call for help and offered a space within its premises for the installation of the DOH-HFEP hemodialysis units granting renal patients geographic convenience in accessing this basic health service", tipik sa maong kasabotan.

Gikatahong 10 ka hemodialysis unit sa DOH-HFEP hemodialysis package ang alang sa mga renal patient sa Probinsiya sa Sugbo ang ibutang diha sa maong dialysis center.

Tumong sa pagbutang niini aron adunay "geographic convenience" sa mga renal patient karon nga adunay pandemiya.

Giingong walay abangan ang VSMMC ngadto sa SM sa paggamit sa lugar apan ang maong tambalanan maoy mogasto sa operasyon sa maong satellite hemodialysis nga pasilidad.

Ang kasabotan mo epekto kini karong adlawa ug matapos sa Disyembre 31, 2020 gawas lang kong madesisyonan sa parties nga i-terminate kini dayon o i-extend.(BANAT NEWS)