CPPO naka-angkon og pito ka award

CEBU, Philippines — Nakaangkon og pito ka award ang Cebu Provincial Police Office (CPPO) sa gipahigayon nga 119th Police Service Anniversary.

Upat niini naka dawat og mga individual awards samtang ang tulo gikan kini sa mga police units.

Si CPPO Director Police Colonel Rhoderick Mariano napili isip Best Senior Police Commissioned Officer for Administration, si Police Lt. Col. Randy Korret ang hepe sa Provincial Intelligence Unit giila nga Best Junior Police Commissioned Officer for Operation, si Police Master Sgt. Douglas Maravillas Best Senior Non-Commissioned Officer for Operation ug Police Sr. M/Sgt. Rowena Santillan isip Best Senior Police Non-Commissioned Officer for Administration.

Gawas sa indibidual nga pasidungong , ang Talisay City Police Station giisip nga Best Component City ug Best Municipal Police Station ang Tuburan Municipal Police Station sa tibuok rehiyon.

Samtang mokabat ngadto sa 8 kilos nga balor sa shabu ang nasakmit sa Cebu City Police Office (CCPO) sulod lang sa upat ka buwan nga anaa sa quarantine period ang Dakbayan sa Sugbo.

Gibutyag ni CCPO Director Police Colonel Josefino Ligan nga bisan pa sa COVID-19 pandemic padayon gihapon ang kalihukan sa illegal nga drugas sa Central Visayas.

Giila isip top contributor sa pagkasakmit sa illegal nga drugas sa kabisay-an ang CCPO ubos sa pagdumala ni Ligan.

Nasuta usab nga sulod sa upat ka buwan mikunhod ang 8 focus crime sa Dakbayan sa Sugbo itandi sa unang tulo ka buwan sa tuig 2020. —/MEL (BANAT NEWS)