Pagpalit sa CICC wa sa COA audit

CEBU, Philippines — Makig- negotiate ang Probinsya sa Sugbo ngadto sa lokal nga kagamhanan sa Dakbayan sa Mandaue kalabot sa Cebu International Convention Center (CICC) human nga ang Commission on Audit (COA) nitug-an nga ang maong edipisyong gipalit sa Mandaue, walay approval gikan kanila base sa ilang audit report.

Sa panahon ni kanhi gobernador ug karon Bise Gobernador Hilario Davide III ug kanhi Mandaue City Mayor Luigi Quisumbing, gibaligya sa Kapitolyo ang mao ng building og P300 milyones.

Ang COA nirekomendar nga patubagon ang mga responsable nga opisyal sa nahimong negosasyon.

Si Garcia nagkanayon nga sukad pa niadtong Hulyo nagsugod na sila og estorya ni Mayor Jonas Cortes sa Mandaue sanglit nasayod na siya daan nga posibleng kwestyunon sa COA ang nahimong pagbaligya sa CICC.

Ang gobernador nisubli nga sa unang mga adlaw pagbalik niya og lingkod pagka gobernador sa Sugbo, bawion sa Kapitolyo ang tanang mga properties sa Probinysa nga na dispose sa niaging administrasyon.

“I already made it, a policy that I will be recovering all donated, sold and disposed properties," matud ni Garcia. /IBM (BANATNEWS)