11 ka kapitan nahatagan og show cause order
CEBU, Philippines — Duha ka show cause order sa mga barangay kapitan sa Dakbayan sa Sugbo ang giduso na ngadto sa Secretary of Interior and Local Government sa ulohan nga buhatan sa Department of Interior and Local Government.
Kini ang gitug-an ni Usec Alexander Macario sa DILG atol sa gipahigayon nga press conference uban nila ni Mayor Edgardo Labella.
Matud ni Macario nga adunay 11 ka barangay kapitan ang gihatagan og show cause order diin duha niini ang giduso ngadto sa national nga buhatan sa DILG, upat ang giduso sa Criminal Investigation and Detection Group alang sa dugang imbestigasyon ug duha ang napasakaan na usab og kaso sa CIDG.
Si Macario nagkanayon nga padayon karon silang nidasig sa mga barangay kapitan nga mohimo sa ilang mga obligasyon diha sa ilang kabarangayan ilabi na sa pagpatuman sa mga health protocols sa ilang mga konstituwente.
Sayo pa, adunay mga barangay kapitan ang napadalhan og show cause order human sa mga kalapasan nga nahitabo diha sa ilang barangay ilabi na ang siyudad ubos pa sa enhanced community quarantine. /BDB) (BANATNEWS)
- Latest
