HPG nipahimangno sa guidelines sa angkas

CEBU, Philippines — Gipahugtan sa Provincial Highway Patrol Group ang pagpahibalo sa publiko alang sa pagpatuman sa guidelines sa angakas policy sa mga dapit nga ubos sa modified general community quarantine (MGCQ).

Matud ni Police Captain Michael Gingoyon, hepe sa Provincial Highway Patrol Group nga ang bag-ong guidelines sa pagpaangkas sa motorsiklo gawas sa marriage certificate nagkinahanglan usab og barrier likod sa drayber.

“Sa pagkakaron igo pa ta nga nag-warning sa mga motorist nga kinahangalan nga magbutang sila og barrier sa likod sa driver base sa guidelines nga gipakita sa atoa sa DILG ug IATF”, matud ni Gingoyon. Gawas sa mga rekisitos sa angkas ang publiko gipahinumduman usab kini sa pagtuman sa health protocols. /BDB (BANATNEWS)