Mayor Gullas nanawagan nga tabangan ang mga nasunogan
CEBU, Philippines — Nanawagan si Talisay Citya Mayor Gerald Anthony “Samsam” Gullas Jr. sa katawhang Talisaynon nga tabangan ang moabot sa 30 ka pamilyang naapektahan sa sunog niadtong Domingo sa hapon.
Si Gullas nagkanayon nga aduna may tabang nga gihatag ang siyudad apan dili kini paigo aron makabalik og barog ang mga nasunogan tungatunga niining krisis karon dala sa COVID-19.
Matud pa niya nga naglisod ang tanan gumikan sa pandemiya apan nisamot ang kalisod sa kinabuhi human nahitabo ang sunog.
Ang siyudad nihatag og hinabang nga paigo sulod sa tulo ka adlaw samtang giproseso pa ang ilang gamay nga pinansyal nga hinabang.
Ang walay mga paryenti nga temporaryong makapapuyo kanila gipahimutang una sa luwas nga lugar.
Mohangyo sab si Gullas ngadto sa buhatan ni Kongresista Eduardo Gullas ug ni Gobernador Gwendolyn Garcia aron matabangan ang mga biktima.
“Please donate. I urge the people especially who have extra, to donate in this difficult time. Kun dunay moy hinabang sa mga mga apektado, palihug pag kontak ni Christian Lazarte or Tristan Rama though the Local Youth Development Office City of Talisay,” asoy pa ni Gullas. /IBM (BANATNEWS)
- Latest
