Border restriction gipatuman pagbalik

CEBU, Philippines — Gipatuman pagbalik ang border restriction sa mga barangay sa Lalawigan sa Sugbo.

Kini aron pag-limit sa mga tawo nga makasulod ug gawas sa matag barangay.

Ubos sa memorandum ni Gob. Gwendolyn Garcia, gitugutan lang nga makasulod sa barangay ang mga residente niini nga kinahanglan mosunod sa health protocol nga gipatuman sa lungsod o siyudad.

Ang mga locally-stranded individuals apil sa makasulod subay sa health protols samtang ang mga Overseas Filipino Workers ipaubos sa home quarantine.

Samtang kagahapon dili mominus lima ka borders ang gisuroy ni Garcia atol sa unang adlaw sa pagpatuman pagbalik sa istrikto nga border control sa probinsiya.

Si Garcia unang nisusi sa border sa Talisay ug Cebu City sa South Coastal Road dayon niadto sa Subangdaku, Mandaue-Mabolo, Cebu City dayon nideretso sa Panagdait-Mandaue deretso sa A.S. Fortuna, Banilad, Mandaue area ug katapusan ang Mandaue-Consolacion nga utlanan.

Gihatagan ni Garcia ang mga polis nga nagbantay sa borders og kopya sa EO 17-H alang kung kinsa ang mga exempted sa border restriction apil na usab sa kopya sa mga Capitol-issued passes aron paghatag og giya sa kapolisan. /GMR (BANATNEWS)