Laing 10 sa CCPO positibo sa PCR test

CEBU, Philippines — Dugang 10 ka polis sa Cebu City Police Office ang nagpositibo sa Polymerase Chain Reaction (PCR) testing.

Kini ang gibutyag ni CCPO officer-in-charge, Police Colonel Cedric Earl Tamayo, human sa PCR testing sa 25 ka polis sa niaging semana gikan sa Operation Branch ug buhatan sa City Director.

Matud ni Tamayo nga ang 10 ka polis ang gibalhin na sa isolation facility. Ang mga nagpositibo pulos mga asymptomatic.

Sa pagkakaron aduna nay 30 ka active cases ang CCPO samtang kapin sab sa 30 na ang nakarekober sa maong sakit.

Nunot niini magpadayon nga lockdown ang duha ka buhatan sa CCPO aron sa padayon nga monitoring sa mga kaubang polis sa paningkamot nga dili makakatap ang virus sa kapolisan mismo sa kampo. /GMR (BANATNEWS)