Garcia: Provincial ug district hospitals adunay igong higdaanan
CEBU, Philippines — Ang 16 ka provincial ug district hospital sa Probinsiya sa Sugbo adunay igong higdaanan alang sa mga pasyente nga adunay covid-19 ug influenza like illnesses (ILI).
Atol sa iyang virtual presser niadtong Lunes si Gobernador Gwendolyn Garcia nagkanayon nga daghan pa sa hospital beds sa mga tambalanan sa probinsiya ang wala pa magamit.
Sa gipakita nga record ni Garcia nga sa 120 ka higdaanan nga gitagana alang sa mga suspected ug positive case sa covid-19 sa mga provincial ug district hospitals aduna lang kini 32 ang nagamit dii 88 pa ang bakante. Matud ni Garcia nga sa Cebu Provincial Hospital (CPH) sa Lungsod sa Balamban nga adunay 100 bed capacity, 55 niini ang bakante pa o 45 porsyento lang ang nagamit.
Sa mga higdaanan alang sa mga suspected, probable ug covid-19 positive adunay 23 ka higdaanan ang gitagana ug 15 lang niini ang nagamit aduna pay walo nga bakante.
Sa CPH-Carcar nga adunay 100 bed capacity, 37 pa niini ang bakante.
Sa mga higdaanan alang sa covid-19 patients o sa adunay ILI o severe acute respiratory infection (SARI) 10 ka higdanan ang gitagana apan upat lang niini ang nagamit aduna pay unom nga bakante.
Sa district hospitals sa mga lungsod sa Badian, Bantayan, Barili, Camotes, Daanbantayan, Malabuyoc, Pinamungajan, Oslob ug Sogod parehong mga bakante pa ang mga higdaanan o bed capacity nga gitagana alang sa mga pasyente sa covid-19.
Samtang sa Argao district hospital gikan sa 11 ka higdaanan alang sa covid-19 patents, siyam pa ang bakante diin duha lang ang nagamit.
Ug sa Minglanilla, sa lima ka higdaan duha lang ang nagamit aduna pay tulo ang bakante. /BDB (BANATNEWS)
- Latest
