Usa naangol sa sunog sa Lungsod sa Liloan

CEBU, Philippines — Usa ka lalaki ang naangol atol sa duha ka sunog nga niulbo diha sa duha ka barangay sa Lungsod sa Liloan niadtong adlawng Martes.

Unang sunog nahitabo alas 2:20 sa hapon diha sa Purok, Molave, Barangay Tayud  nga naglambigit sa usa ka balay nga gipanag-iya ni Aillen Bracero.

Hingpit nga nakontrolar ang kaso sa sunog alas 2:32 ug pagka-alas 2:35 gideklara kini sa kabomberohan og fire out. Gibana-bana nga nikabat lang sa P5,000 ang danyos sa maong sunog.

Ikaduhang sunog nahitabo diha sa Purok Avocado, Barangay Poblacion sa maong lungsod.

Ang alarma sa nahisgutang sunog nadawat sa kabomberohan alas 6:34 sa gabii ug giisa kini ngadto sa ikatulong alarma ug nakontral ang kayo alas 7:20 sa gbii ug gideklara kini nga fire out alas 7:30 sa gabii.

Ang maong sunog naglambigit kini ug LPG storage lakip usab ang display center sa mga surplus nga sakyanan nga gipanag-iya nila ni Al Vincent Judilla.

Wala hinuoy gikataho nga nakalas sa maong sunog apan si Chrismar Yrog-yrog, 27-anyos ang nakaangkon kini og 2nd degree burn ug daling gidala ngadto sa tambalanan.

Si Fire Inspector Harley Glenn Galpo, ground commander sa insidente nagkanayon nga padayon pa nga gipaubos sa imbestigasyon ang hinungdan sa sunog.

Gibana-bana nga nikabat ngadto sa kapin sa P2 milyones ang danyos sa maong sunog. /BDB (BANATNEWS)