Bana nisuway og duaw sa asawa sulod sa isolation facility
CEBU, Philippines — Usa ka bana nga gimingaw ang nibisita sa iyang asawa nga bag-ong nanganak diha sa isolation facility sa Barangay Suba, Dakbayan sa Sugbo.
Matud ni Police Major Winston Peñaranda sa San Nicolas Police Station nga niadtong Domingo sa gabii naalarma ang mga kasamtangang nagpuyo sa isolation facility tungod sa usa ka tawo nga nakasulod.
Giingong ang maong 20-anyos nga bana gimingaw kini sa iyang asawa ug gilaay na kini og hinuwat nga mahuman ang 14 ka adlaw nga mandatory quarantine tungod kay nagpositibo sa covid-19 ang iyang asawa human kini manganak diha sa publikong tambalanan.
Ang maong bana gipapauli kini sa mga otoridad nga nadestino diha sa isolation facility.
Nasayran nga nisaka diha sa kural sa tunghaan nga gihimong isolation facility ang maong bana aron unta surprisahon ang iyang asawa apang nasakpan kini sa mga otoridad. /BDB (BANATNEWS)
- Latest
