Jay ug Sarah, nagbuwag!
CEBU, Philippines — Hingpit na nga giangkon sa kanhi child actress nga si Sarah Jane Abad nga nagbuwag na sila sa band vocalist nga si Jay Contreras. Wala na nila gidetalye pa unsay rason sa pagkapukan sa ilang 11 kka tuig nga kaminyuon, apan nagpasalamat si Sarah sa tanang nipadangat og suporta ngadto nila. Giklaro ni Sarah nga bisan sakit tuod ang samputanan sa ilang kaminyuon, apan pabilin silang managhigala tungod ug alang sa ilang duha ka mga anak.
"Soon, I might have the courage to talk to all of you.
"Please know that Jay and I will remain good friends and loving parents to our kids. It would be a new journey for both of us,” tipik sa iyang pamahayag nga gi-post niya sa iyang Instagram account sa nilabay nga adlaw.
Unang nitumaw ang pagduda kabahin sa kaminyuon sa duruha dihang ni greet og Happy Mother’s Day kang Sarah si Jay niadtong Domingo.
Salabtunon ang tubag ni Sarah nga nagkanayon nga bisan og lahi na ang sitwasyon nila karon, pabilin siyang magmapasalamaton ngadto niini gumikan sa ilang duha ka mga anghel. "It may not be the same between us, but ill be forever grateful for giving me 2 wonderful angels. Thank u,” tubag ni Sarah. Si Sarah, manghod ni Kaye Abad ug usa sa mga maayong child actresses sa iyang panahon. Lakip sa iyang mga proyekto mao ang Wanted: Perfect Father, Ika-11 Utos: Mahalin Mo, Asawa Mo, ilang episodes ng Maalaala Mo Kaya.
Nibalik siya sa pag-arte niadtong 2017 pinaagi sa ABS-CBN series nga Los Bastardos.
Si Jay maoy frontman sa sikat nga bandang Kamikazee. Lakip sa ilang mga sikat nga kanta mao ang "Narda," "Martyr Nyebera," "Chicksilog," "Unang Tikim," ug "Huling Sayaw."
- Latest
