Santa Fe nagbutang og hotline sa hinabang
CEBU, Philippines — Nagbutang ang kagamhanan sa Lungsod sa Santa Fe og hotline aron pagdasig sa mga residente sa pagtaho kung wala kadawat og hinabang.
Ang numero 0928-759-9210 maoy pwede matawgan o kaha text sa mga residente.
Base sa pag-apod-apod sa ayuda, matag pamilya ang makadawat sa maong hinabang ug kini nagpasabot nga kung sulod sa usa ka balay duha ka pamilya ang nag-ipon, duha usab ka ayuda ang ilang madawat.
Ang ayuda sa lungsod dili lang alang sa mga taga Santa Fe apan lakip usab sa mga langyaw nga natanggong karon sa ilang lugar. Ang mayor sa lungsod nga si Ithamar Espinosa nitug-an nga ang krisis walay gipili maong ang ayuda alang sa tanan Santafehanon nga anaa sa lungsod, isla, bukid o sa baybay.
No Santafehanon will be left behind, matud sa mayor. /GMR (BANATNEWS)
- Latest
