Mga CPDRC personnel dili una papaulion
CEBU, Philippines — Tungod sa peligrong matakdan sa coronavirus (COVID-19), ang mga prison guards ug office personnel sa Cebu Provincial Detention and Rehabilitation Center (CPDRC) nga nagpuyo sa Barangay Kalunasan sa Dakbayan sa Sugbo anha lang una papuy-on sa maong prisohan.
Pamaagi kini aron dili motakboy ang coronavirus disease (COVID-19) ngadto sa mga jail personnel ug moabot ngadto sa prisohan ug mokuyanap sa mga piniriso.”Right now, I am thinking about how to protect the CPDRC, seeing as the BJMP Cebu City (Cebu City Jail) is just right across the street and the numbers are shooting up the roof of positive cases,” matud ni Garcia sa report sa Sugbo News.
Matud sa gobernador, precautionary measures kini sa Kapitolyo.
“Ang mga guards adto nalang sila so that dili na sila ma-expose further ngadto sa atong mga inmates nga anaa sulod sa CPDRC tungod sa pag report unya uli, report uli sa atong mga gwardiya,” matud ni Garcia.
Gisuspenso na sab ang dalaw sugod pa niadtong Marso paglikay nga matakboyan og sakit ang 1, 700 ka inmates sa CPDRC.
Ang warden sa CPDRC nga si Reybaldo Valmoria mao nay gitahasan ni Garcia nga mangitag lugar nga magsilbing quarters sa mga jail personnel.
“We practically put the CPDRC on lockdown. But inside ok ra sila basta wala lang carrier. Maayo ra ilang kabutang didto. They have good food,” matud ni Garcia. /IBM (BANATNEWS)
- Latest
