4 ka oras matag semana makagawas sa Tisa
CEBU, Philippines — Gipahigayon ang sitio clustering sa Barangay Tisa, Siyudad sa Sugbo sugod kagahapon.
Matud sa tigpamaba sa barangay nga si Herty Lopez nga ang ilang kapitan nga si Renato Pacaña niluwat sa Executive Order 2020-01.
Kini gitawag og “An Order Expressing Support to the EO’s of the City Government of Cebu Especially on the Stay at Home Policy by Setting Herewith Guidelines for the Purchase of the Basic Necessities and Essentials in Barangay Tisa, Providing Exemptions and Penalties Hereof.”
Sumala pa ni Lopez nga ang clustering gihatagan lang og upat ka oras matag semana ang matag residente sa sitio nga mogawas aron mamalit.
Si Lopez nitug-an nga ang Tisa adunay lima ka clusters nga gilangkuban sa 10 ngadto sa 15 ka sitios matag cluster.
Ang matag cluster Lunes ngadto sa Biyernes gibahin ngadto sa duha ang makagawas gikan sa alas 6 ngadto sa alas 10 sa buntag samtang sa hapon alas 2 ngadto sa alas 6 sa gabii.
Gitug-an ni Lopez nga gawas sa clustering nagpahigayon sab sila og weekend block-off nga nagsugod niadtong sabado. /GMR (BANATNEWS)
- Latest
