Mabatid nihangyo nga suspensohon ang operasyon sa Carbon ug Pasil

CEBU, Philippines — Miduso si Cebu City Councilor Prisca Niña Mabatid  og resolusyon nga naghangyo kang Mayor Edgardo Labella nga temporaryong suspendihon ang operasyon sa Carbon Public Market ug Pasil Fish Market.

Matud ni Mabatid nga napamatud-an nga dili mahimong epektibo ang pagpatuman ang social distancing protocol tungod kay maghuot ang mga mamalitay.

“Not only in a single instance but there are several reports of people queued in banks, pawnshops, groceries and other public places who are not observing proper social distancing measures”, matud ni Mabatid.

Gilakbit usab ni Mabatid ang kabahin niadtong Huwebes Santo nga nagdasok ang mga tawo diha sa Carbon Public Market aron makapamalit og  nga sagol alang sa  benignit. Gihangyo ni Mabatid ang hepe sa City Market Authority nga mangita dayon og tulo ka lugar isip temporary relocation site alang sa mga mamaligyaay aron higpit nga maobserbahan ang social distancing.

Matud usab ni Mabatid nga kinahanglang adunay istrikto nga pagpatuman sa social distancing diha sa mga temporary relocation site sa Carbon Public Market ug Pasil Fish Market.

Gihangyo usab ni Mabatid ang hepe sa City Market Authority nga mohatag og mga giya alang sa schedule sa mga residente sa 80 ka barangay sa pagpamalit sa ilang mga panginahanglanon ngadto sa mga temporaryo nga relocation site sa mga public market kini aron malikayan ang pagtagbo sa pagpamalit sa mga konsumidor.

Sayo pa, si Labella niisyu na kini og executive order nga nagpatuman og schedule alang sa pagsulod sa mga namalit diha sa Carbon Public Market.

Ang schedule nagbase kini sa unang letra sa apelyido sa mga mamalitay. /BDB (BANATNEWS)