Magpaburot sa presyo sa palaliton silotan
CEBU, Philippines — Nagpahinumdom si Cebu City Mayor Edgardo Labella sa tanang manindahay nga dili mopahimulos sa kalisod nga nasinati karon sa katawhan gumikan sa Corona Virus Disease (COVID)-2019.
“Dili gyud nato pahimuslan ang gibati karon nga kagul-anan kay if we do that it’s like rubbing salt into a wound, atong gipasakit og samot”, matud ni Labella.
Gibutyag ni Labella nga sila si Cebu City Attorney Rey Gealon ug Market Administrator Jonil Matuguina nag-monitor batok sa mga mapahimuslanon sa higayon.
Si Labella nibahad nga dili magduha-duha ang kagamhanan sa siyudad sa pagpasaka og kaso batok niadtong mga masakpan nga nipahimulos o nipaburot sa presyo sa mga palaliton.
Si Labella niawhag sa katawhan nga mo-report dayon diha sa buhatan ni Gealon kong ugaling adunay makita nga nagpaburot og maayo sa presyo sa mga palaliton aron maaksiyonan dayon kini. /BDB (BANATNEWS)
- Latest
