Mga drug cleared barangay nikunhod ang gidaghanon
CEBU, Philippines — Ang gidaghanon sa drug cleared barangay sa Probinsiya sa Sugbo ang mas nikunhod sulod sa tulo ka tuig.
Base sa report sa Philippine Drug Enforcement Agency (PDEA) ngadto sa mga mayor ug kang Gobernador Gwendolyn Garcia gikan niadtong tuig 2017 niabot ngadto sa 160 ang drug cleared barangay.
Sa tuig 2018 nikunhod ngadto sa 85 ang drug cleared ug sa tuig 2019 adunay 38 na lang ka barangay ang drug cleared.
Sa kinatibuk-an nikabat na lang ngadto sa 283 ka barangay ang drug cleared gikan sa 1, 066 sa tibuok probinsiya.
Sa presentasyon sa PDEA gisaysay nga 771 o 73% pa ang drug affected barangay sa tibuok lalawigan diin 391 ang slightly affected, 363 ang moderately affected, 17 ang seriously affected ug 12 lang ka barangay ang wala maapektohi sa ilegal nga drugas.
Ang PDEA nitumbok sa pipila ka mga rason diin lakip niini mao nga ang pipila sa mga Barangay Anti-Drug Abuse Council (BADAC) Watch List wala ma-update; ang opisyales sa barangay magdepende sa kapolisan alang sa documentation sa gipahigayon nga kalihokan batok sa ilegal nga drugas; pipila usab ka opisyal sa barangay ang mahadlok mo butyag sa drug personalities sa ilang barangay.
Giingong ang ubang barangay walay record o reports sa bag-ong gipiling barangay kapitan ug adunay walay kooperasyon sa drug clearing program. /BDB (BANATNEWS)
- Latest
