Kapolisan sa Talisay mosusi sa pagpamato diha sa Mananga
CEBU, Philippines – Mopahigayon og pakisusi ang kapolisan sa Dakbayan sa Talisay kabahin sa responsable sa pagpamato og sakyanan diha sa taytayan sa Mananga sa Barangay Tabunok.
Kini human nga usa ka Jikjik Agueda ni-post sa diha sa iyang facebook account labot sa iyang sakyanan nga niliki ang samin niini.
Si Agueda nipasangil nga gibato siya pag-agi niya diha sa Mananga hinungdan nga niliki ang samin sa iyang sakyanan.
Si Police Major Gerard Ace Pelare, hepe sa Talisay City Police Station nagkanayon nga labing maayo nga magpa-blotter ang biktima aron ilang makuhaan og impormasyon.
Apan susihon gihapon nila ang maong hitabo pagpiho kong gituyo ba kini o aksidente lang.
Ang maong insidente diha sa Mananga nga nahibaw-an sa kapolisan maoy unang higayon.
Ang Sitio Mananga usa sa mga lugar sa dakbayan nga daghan usab ang mga badlongon. /BDB (BANAT NEWS)
- Latest
