Paggamit og mga signage sa Sugbo i-regulate

CEBU, Philippines – Ang konseho sa Dakbayan sa Sugbo nipalabang kini og ordinansa nga nag-regulate sa paggamit sa mga signage, signboard ug billboard sa mga business establishment sulod sa Siyudad sa Sugbo.

Si Konsehal Lea Japson ang nanginahan sa ordinansa nagkanayon nga i-regulate ang tanang mga signboard nga naggamit sa langyaw nga pinulongan ug himoan kini og translation sa English o Cebuano.

Base sa sa census sa tuig 2015, ang Dakbayan sa Sugbo adunay populasyon nga 922,611 ug nahimutang kini sa ikalima nga adunay labing daghan nga populasyon sa Visayas.

Matud ni Japson nga adunay establesamento nga naggamit og mga signage, signboards ug billboards isip advertisement aron makakuha og kostumer diin gigamit nila langyaw nga pinulongan sama sa Arabic, Chinese ug Korean.

“The proliferation of these signage, signboards, and billboards with foreign wordings if not regulated will endanger the uniqueness of our city “, matud ni Japson.

Ubos sa Section 7 sa ordinansa nga ang mga makalapas niini makabayad og 1,000  alang sa una nga kalapasan; P3,000 alang sa ikaduhang kalapasan; ug multa nga dili molapas sa P5,000 o pagkabilanggo nga dili sobra sa usa ka tuig. /BDB (BANAT NEWS)