Baboy, karne gikan mindanao gi-ban
CEBU, Philippines – Mas gipalapdan ang coverage sa pag-ban sa mga baboy ug karne sa baboy nga makasulod sa Sugbo tungod sa hulga sa Africa Swine Fever.
Si Gob. Gwendolyn Garcia nibutyag nga mopatuman ang Probinsiya sa Sugbo og ban sa tanang baboy ug karne sa baboy gikan sa tibuok Mindanao.
Nakab-ot ni Garcia ang desisyon human sa iyang pagpakigtigom sa nagkadaiyang buhatan nga adunay concern sa swine industry sama sa Central Visayas Pork Producers Cooperative (CeViPPCo), Department of Trade and Industry, Bureau of Quarantine ug uban pa.
"All things considered, I listen to their concerns. I gave utmost importance to the question, kung atong i-ban ang Mindanao nga pork, will we have enough supply for the Cebuano? Dili ba ni maka cause og pagsaka sa presyo sa pork? They gave me that assurance for as long as we keep it on a 90 days basis only," matud ni Garcia.
Ang executive order nga gipirmahan ni Garcia kagahapon moepekto kini ugmang adlawa aron may igong panahon sa pagpahibawo sa taga Mindanao.
Nagpabilin sab nga gi-ban ang mga pork products gikan sa Luzon human wala gihapon masanta ang ASF sa pipila ka probinsiya.
Samtang higpit sab nga gidili ang pagsulod sa Dakbayan sa Lapu-Lapu sa mga pork products ug mga baboy gikan sa Region 11 sa Mindanao labi na niadtong gikan sa Davao diin niigo ang ASF.
Sa executive order nga giluatan ni Mayor Junard “Ahong” Chan nalakip sa gidili pagsulod ang mga karne sa manok ug isda nga gisagol sa karneng baboy nga gikan sa maong rehiyon.
Ang lakang ni Chan isip suporta sa kamanduan ni Garcia ilabi na nga anaa sa dakbayan ang domestic ug international airport. Romeo T. Limpangog/GMR (BANAT NEWS)
- Latest
