P316 bilyones proyekto sa srp sugdan na

CEBU, Philippines – Sugdan na ang P316 bilyones nga proyekto sa consortium sa SM Prime Holdings Inc. ug Ayala Land Inc. sa South Road Properties sa Dakbayan sa Sugbo.

Kini human sa groundbreaking ceremony nga gipahigayon kagahapon sa 26-ektaryang luna sa SRP.

Ang proyekto gilauman nga makamugna og dili mominus duha ka milyon ka trabaho sa mosunod nga 20 ka tuig.

“I just fervently hope SM-Ayala Consortium, please, give preference to our residents of the City,” sigun ni Cebu City Mayor Edgardo Labella.

“I sincerely believe that with the hope of two million job opportunities of the city, I fervently hope that we can reduce the poverty level in the city,” dugang ni Labella. – Mary Ruth R. Malinao/GMR

Kapitan sa Paril manubag sa paglabay sa hugaw sa manok

Patubagon sa mga kalapasan nga nahimo ang usa ka poultry farm nga gipanag-iya sa kapitan sa Barangay Paril, Siyudad sa Sugbo nga si Neresa Doncillo.

Ang Cebu City Environment and Natural Resources Office niluwat na og notice of violations batok sa Villas Poultry and Dressing Services nga nahimutang sa Barangay Tampiao, Compostela gumikan sa ilegal nga paglabay sa mga hugaw.

Si Doncillo pahimoon og written explaination nga dad-on sa technical conference sa Pebrero 5 sa CCENRO.

Kalapasan sa Republic Act 9003 o ang The Ecological Solid Waste Management Act of 2000 ang gitumbok nga nahimo ni Doncillo diin nagtangag og multa nga dili moubos sa P10,000 apan dili molapas sa P200 mil o pagkabilanggo nga dili moubos sa 30 ka adlaw ug dili molapas sa tulo ka tuig.

Matud sa hepe sa CCENRO, Atty. Junine Aragones, nga dili peligro nga basura ang hugaw sa manok apan makadaut kini sa panglawas sa tawo.

Ang mga hugaw sa manok giingong gikarga sa trak sa basura sa Barangay Paril ug gidala sa transfer station sa Barangay Inayawan. /GMR (BANAT NEWS)