Kapin 100 ka motor gikarga

CEBU, Philippines — Daghang mga motorsiklo ug mga sakyanan ang gikarga ug gibira sa Cebu City Transportation Office sa ilang gipahigayon nga clearing operation sa rota sa Sinulog Grand Parade 2020 nga nahitabo kagahapong adlawa.

Gitug-an ni John Paul Amores ang Public Information Officer sa communications and electronics sa CCTO, 110 ka mga motorsiklo ug duha ka sakyanang nakaali sa rota ang ilang nakarga ug na towing. Sumala pa ni Amores, ang mga nakarga nga motor ug sakyanan didto nila nakuha sa Mango Avenue ug Fuente Rotunda sayo sa buntag.

Gitug-an ni Amores, pagka udto na ang CCTO na busy na sa pagbantay sa mga kadalanan sa dakbayan subay sa selebrasyon. Si Amores, nibutyag ang multa sa mga nakarga sa CCTO moabot ngadto sa P2,500 kini kung wala na silay lain nga violation nga nahimo. /IBM (BANATNEWS)