Palma niawhag sa pag-ampo alang sa Iran ug US
CEBU, Philippines – Si Arsobispo Jose Palma sa Archdiocese of Cebu nipadayag sa iyang kasubo kabahin sa panagbangi karon sa mga dagkong nasud sa Iran ug America ug niawhag sa mga magtutuo nga iampo ang maong mga nasud.
Matud ni Palma nga lisud ang pag-abot sa maong duha ka dagko nga lider sa nasud apan dako ang iyang pagtuo nga ang pag-ampo maoy matabang sa mga Sugbuanon ngadto sa mga nagkabangi nga nasud.
Si Palma nagkanayon nga malaumon siya nga pinaagi sa pag-ampo mahikap ang mga kasingkasing sa katawhan ug sa mga lider sa nasud tungod kay pinaagi sa pag-ampo adunay mga pamaagi nga mahimo.
Dugang ni Palma nga dili tubag ang sinukliay ug mga bala ug binombahay ug malaumon siya nga aduna gihapoy kalinaw ug ipadayon lang gihapon ang pag-ampo alang sa tanan. /BDB (BANAT NEWS)
- Latest
