Mga mediation sa BAO ipatugyan na sa SP

CEBU, Philippines — Ang Cebu City Environment and Natural Resources Office (CCENRO) nihangyo nga ang tanang mediation proceeding sa Committee on Barangay Affairs isumitir ngadto sa Sangguniang Panlungsod (SP).

Si Attorney John Jigo Dacua, hepe sa CCENRO nagpadala kini og suwat ngadto kang Konsehal Raymond Garcia kinsa majority floor leader sa konseho sa siyudad.

Sa maong suwat si Dacua nihangyo nga ang tanang mga proseso sa grievances mediation sa mga opisyal sa gobiyerno nga adunay mga kalapasan dili na isumitir sa Barangay Affairs Office (BAO).

"I think these matters should be taken up directly to Sanguniang Panlungsod, dili sa BAO, mediation man gyud na, it’s not for me to mediate because personally, I have no business to mediate sa mga ing-ana na situations mao nang it would be better for it to be taken by the council”, padayag ni Dacua.

Kabahin sa kalapasan sa balaod sa kalikupan ang mga gipaubos sa mediation proceedings ug giduso kini ngadto sa BAO.

Ang BAO maoy responsable nga maghatag og technical nga tabang mayor ug magsilbi nga body sa koordinasyon sa siyudad tungod kay kini adunay supervisory function sa mga barangay. /BDB (BANATNEWS)