P9 milyones nga bugas pilit gipalusot diha sa adwana nasakpan
CEBU, Philippines — Bugas nga pilit nga mokabat dul-an P9 milyones gikan sa Vietnam nga wala gideklarar gisakmit sa mga sakop sa Bureau of Customs Port of Cebu sa miaging adlaw.
Usa ka Warrant of Seizure and Detention (WSD) ang gipagawas ni acting BOC Cebu district collector Charlito Martin Mendoza batok sa tibuok shipment tungod sa matud pa “intentional misdeclaration” nga usa ka kalapasan sa Section 1400 in relation to Section 1113 (F); Section 1113 (I); Section 1113 (L-3, 4, & 5) of Republic Act No. 10863, o Customs Modernization and Tariff Act.
"The said shipment has still subject for forfeiture proceedings," sumala pang Mendoza. Ang maong bugas gikatakdang ibaligya sa BOC pinaagi sa public bidding ini og makompleto ang proseso.
Sumala pa sa Facebook page sa BOC Port of Cebu, ang maong bugas nga gikan sa Vietnam gisud sa napulo ka 10 container vans nga giingong gi-consigned sa Sagetics Enterprises.
Si Customs Examiner Marc Henry Tan kinsa maoy nisusi sa maong shipment kauban ang mga representante sa Department of Agriculture Compliance and Regulatory Enforcement for Security and Trade Office (CREST), Bureau of Plant and Industry (BPI), and Philippine Drug Enforcement Agency (PDEA).
Sa pamahayag nga giluwatan sa BOC Port of Cebu, human sa eksaminasyon sa kargamento nakita nga lima sa napulo ka containers dunay “misdeclared goods of glutinous rice” (super malagkit).
Giklaro ni Mendoza nga ang glutinous rice o pilit dili illegal nga produkto mao nga mahimo kining kompiskahon sa gobiyerno ug ibaligya kini pinaagi sa subasta.
"Importation of glutinous rice is not illegal per se. In this case kasi, there was misdeclaration kaya we seized it," matud pang Mendoza. IBM (BANATNEWS)
- Latest
