Rota sa solemn procession gisusi
Cebu, Philippines — Gisubay na ang 6.5 kilometro nga rota solemn procession sa Fiesta Señor 2020 sa Siyudad sa Sugbo alang sa seguridad niini.
Kini gipangulohan nilang Konsehal David Tumulak ug Cebu City Police Office Director, Police Colonel Giovannie Maines.
“Ang tuyo nato is pagseguro unsa kaluwas ang agianan sa rota sa Sinulog procession,” matud ni Tumulak.
Gipasabot ni Tumulak nga ang solemn procession sa bisperas sa Fiesta Señor sa Enero 18 molanat og labing minos unom ka oras nga magsugod sa ala una sa hapon ug gibanabana nga mahuman sa alas 7 sa gabii.
Atol sa ilang pag-inspeksyon matud ni Tumulak nga ang mga problema nga nakita naglakip sa mga kutay sa wire nga mahimong makasangit sa 20-feet nga karusa; taas nga mga kahoy; gi-parking nga mga sakyanan; walay tabon nga manholes ug wala pa nahuman nga proyekto sa dalan nga agian sa prosesyon.
Gisuso sab kung ang mga karsada adunay suga.
Gipasabot ni Tumulak nga kini usa ka paagi alang kanila nga makahimo og lakang kung adunay bisan unsang wala damha nga panghitabo nga panahon sa prosesyon. - /GMR (BANAT NEWS)
- Latest
