Pei sa taga kapitolyo madawat na

CEBU, Philippines — Gimanduan ni Gob. Gwen Garcia ang finance department sa Kapitolyo sa pag-release sa Productivity Enhancement Incentives (PEI) sa mga empleyado sa probinsiya.

Kini pinasubay sa DBM Budget Circular No. 2017-4 diin ang PEI kinahanglang i-release sa dili pa ang Disyembre 15.

Ang suwat ni Garcia nga pinetsahan og Disyembre 11, 2019 gipadangat ngadto nilang Provincial Treasurer, Atty. Roy Salubre; Budget Officer Emme Gingoyon ug Provincial Accountant Marieto Ypil.

Ang PEI gawas kini sa Collective Negotiation Agreement incentives nga ihatag sa Kapitolyo ngadto sa mga regular ug casual nga empleyado.

Apan si Garcia wala motug-an kun pila ang ihatag nga CNA ug iya na lang ipa-download deretso sa mga ATM cards sa mga kawani. /GMR (BANATNEWS)