OPAV nitunol og hinabang alang sa mga biktima sa linog
CEBU, Philippines — Gi-turnover sa Office of the Presidential Assistant for the Visayas (OPAV) ngadto sa Philippine Coast Guard (PCG)-7 kagahapon sa buntag ang mga relief good alang sa mga residente sa Mindanao nga apektado sa nahitabong linog. Ang maong turn-over gipangulohan ni Secretary Michael Dino uban ang mga sakop sa Sacred Heart School Batch 85 foundation ug mga kandidata sa Binibining Cebu.
Nikabat ngadto sa 300 ka balde nga dunay sulod nga trapal, banig ug uban pa ang gihatag nga hinabang.
Ang tigpamaba sa PCG-7 Lieutenant Junior Grade Michael Encina nagkanayon nga sa labing dali nga panahon ilang ipadala ngadto sa Mindanao ang maong mga relief goods.
Gipahibawo usab ni Encina nga padayon gihapon ang ilang relief operation ug nagpasalamat sila sa mga nagpadala og tabang. /BDB (BANATNEWS)
- Latest
