Banzon girelibohan kay nasakit

CEBU, Philippines — Giklaro sa Cebu City Police Office (CCPO) nga walay koneksyon sa hangyo ni Cebu City Mayor Edgardo Labella ang pagrelibo kang Police Colonel Arnel Banzon isip hepe sa Regional Operations Management Division.

Si Police Regional Office 7 Deputy Regional Director for Operation ug kasamtangan officer in charge sa CCPO Police Colonel Geovanie Maines kabahin sa gimulo sa panglawas ni Banzon ang rason hinungdan nga naospital kini.

Matud pa ni Maines nagsige og reklamo sa kasakit sa iyang likod ang opisyal maong dili kini kaayong makatutok sa iyang trabaho sa mga nangaging mga adlaw maong papahuwayon una kini alang sa iyang panglawas.

Hinuon iyang gipasabot nga mamahimu nga matuman ang hangyo ni Mayor Labella kun mahuman na ang imbestigasyon nga gipahigayon sa National Bureau of Investigation (NBI) sa nahitabong pagpamusil patay kang Clarin Misamis Occidental Mayor David Navarro.  Mahimong hulipan si Colonel Gemma Vinluan ug ikonsiderar si Banzon mopuli o makabalik ra kini sa iyang pwesto.

 “Accordingly na hospital nagkasakit si Colonel Banzon. Sa likod ‘yung iniinda niya. Iyan ang isang dahilan bakit na relieved siya kase hindi na siya maka pag work eh… operation siya at diyan ang lahat ng trabaho ng police natin very crucial na office yan. That is the choice of the mayor, how can our regional director appoint him kung may sakit naman?” matud pa ni Maines

Mahimo usab nga motudlo si Police Brigadier General Valeriano de Leon og laing police official nga magsilbing officer in charge sa CCPO samtang magpadayon pa ang pagpangitag hulip kang Vinluan. IBM (BANAT NEWS)