Ultimatum sa Kawasan Falls
CEBU, Philippines — Ipaguba ni Gobernador Gwendolyn Garcia ang mga illegal nga estrakturang gipangtukod diha sa Kawasan Falls sa lungsod sa Badian.
Gitigom ni Garcia ang mga tag-iya sa struktura uban ang mga opisyal sa Department of Environment and Natural Resources (DENR), Environmental Managment Bureau (EMB), LGU sa Badian ug nauyonan nga panggubaon ang mga illegal nga estraktura sa maong falls nga nasulod sa 20 easement zone.
Si Garcia nibutyag nga ang uban niini walay building permits, dunay mga pansayan apan walay discharge permit gikan sa EMB ug ang uban adunay Environmental Compliance Certificate (ECC) apan wala motuman sa mga nalatid niini.
“About 99% of them they agree, nga ilang i-tear down ang ilang structures. We gave them sad og lugway nga ila ning mahimo. I am confident nga we will have every body’s cooperation aron ato ma preserve ang Kawasan falls,” matud ni Garcia.
Ang sa level three sa Kawasan Falls kinahanglang mahawanan dayon sa mga illegal nga estraktura. Sa level 2, gihatagan og usa ka buwan samtang sa level one sa falls adunay himoon nga occular inspection sa DENR, LGU sa Badian ug PENRO kung asa ang kinahanglan gub-on. Kun mapakyas sa pagtuman sa ultimatum ang mga operators pamultahon sila og P10,000- P200,000 kada adlaw. (IBM)(BANATNEWS)
- Latest
