Sidewalk vendors duphan ni Rama

CEBU, Philippines — Determinado si Cebu City Vice Mayor Michael Rama nga iyang ipadangat ang kahimtang sa mga sidewalk vendors ngadto mismo ni Presidente Rodrigo Duterte.

Ang United Small Vendors and Traders of Cebu City (USVTCC) nibisita sa buhatan ni Rama aron magpatabang nga makapamaligya atol sa kalag-kalag.

Matud sa bise presidente sa USVTCC, Soledad Cordova, nga buot nilang mamaligya og balik sa mga sidewalk.

Si Rama nisaad nga motabang sa mga namaligya sa bisan unsang posibleng pamaagi.

“Nindot na kaayo ang Colon. Limpyo na kaayo ang Osmeña Boulevard. Limpyo na sad ang tibuok tingale na sidewalk. Ang pangutana, asa na ang mga kabus?” matud ni Rama. (GMR) (BANATNEWS)