Modernong ihawan tukoron sa Consolacion
CEBU, Philippines —Gitinguha karon sa kagamhanan sa Lungsod sa Consolacion ang pag-ugmad og usa ka modernong ihawanan diha sa usa ka ektaryang luna nga nahimutang sa Barangay Garing sa maong lungsod.
Si Consolacion Vice Mayor Teresa Alegado nagkanayon nga tumong sa kagamhanan sa Lungsod sa Consolacion nga limpiyo ug luwas ang karne nga ibaligya diha sa kamerkadohan sa lungsod.
Matud ni Alegado nga gipadangat na nila ang mao nilang tinguha sa buhatan sa National Meat Inspection Service (NMIS) alang sa pagkuha sa mga rekisitos sa tukoron nga ihawan.
Gibutyag ni Alegado nga ang maong ihawan nga paga-ugmaron dili na sama sa naandan nga pamaagi nga mano-mano ang pag-ihaw ug ang paglimpiyo sa karne sa mga hayopan nga naglakip sa baka, kanding , baboy ug uban pa.
Giingong ipagi na sa makina ang pagproseso sa mga ihawon nga hayopan lakip na sa paghiwa sa karne. BDB (BANATNEWS)
- Latest
