Unom ka LGUs sa Central Visayas

Cebu, Philippines -Unom ka Local Government Unit (LGU) sa Central Visayas ang nakadawat sa “2019 Seal of Good Local Governance” (SGLG) award.

Ang gidaghanon sa awardees gikan sa rehiyon-7 sa niaging tuig giingong nidoble kini niining tuiga.

Ang awardees gilangkuban kini sa Lungsod sa Talibon ug Tubigon, Probinsiya sa  Bohol, mga  lungsod sa Samboan, Sogod, San Remigio sa Probinsiya sa Sugbo ug Dakbayan sa Lapu-Lapu.

 Ang maong unom ka LGU nakadawat og SGLG marker ug Performance Challenge Fund (PCF) alang sa ilang maayong pasundayag sa tanan nga aspeto sa “All-in” sa assessment system nga gihimo.

Ang Department of Interior and Local Government (DILG) adunay gihatag nga mga aspeto sa mga lungsod ug dakbayan nga ilang palambuon aron mahimong kwalipikado sa maong pasidungog.

Ang maong aspeto gilangkuban sa Financial Administration; Disaster Preparedness; Social Protection; Peace and Order; Business Friendliness and Competitiveness; Environmental Management; ug Tourism and Culture and the Arts.

Gikatahong nikabat ngadto sa 380 ka LGUs sa nasud ang nakadawat sa SGLG niining tuiga.