Florencio: Mogawas unta ang kamatuoran
CEBU, Philippines — Ang Obispo sa Military Ordinariate of the Philippines Bishop Oscar Jaime Florencio nanghinaot nga mogawas ang kamatuoran sa nagpayon karong hearing sa Senado batok sa kadagkoan sa kapolisan.
Si Florencio nipadayag sa iyang kasubo tungod kay managkauban ang gipasanginlan ug ang namasangil.
Matud ni Florencio nga dili usab angayang mohukom batok sa gipasanginlan ug kinahanglang hatagan og kagawasan ang hearing sa Senado aron motumaw ang kamatuoran
Si Florencio nanghinaot kini nga maresolba na sa daling panahon ang maong hearing sa Senado ug unta dili kini makaapektar ngadto sa uban ilabi na taas ang ilang pagtan-aw o respeto sa mga heneral
Gibutyag ni Florencio nga padayon siya sa iyang pag-ampo pinaagi sa mahal nga Birhen Maria ug sa rosaryo nga masulbad ang giatubang nga problema ug adunay mga pagtulon-an nga makuha alang sa kaayohan sa tanan ilabi na sa mga lider diin mahimo unta kini nga “eye opener” kanila ug mopatigbabaw ang proseso sa balaod.
Giawhag usab ni Florencio ang tanang mga law enforcement agency nga iyang mga sakop nga padayon lang gihapon sa ilang trabaho ug dili magpaapekto sa nagpadayon nga hearing sa Senado aron dili madugangan ang ilang mga problema.
Ang pamahayag ni Florencio giluwatan kini atol sa iyang pagbisita sa Dakbayan sa Sugbo. (/BDB)(BANATNEWS)
- Latest
