Uwan nimugna og trapik sud sa usa ka oras sa Talisay

CEBU, Philippines — Kusog nga bunok sa uwan nimugna og usa ka oras nga trapik sa Siyudad sa Talisay niadtong Biyernes sa gabii matud pang Jonathan “Joy” Tumulak, traffic czar sa siyudad.

Daghan ang nagbagutbot gumikan sa ilang pagkatanggong sa trapiko gumikan kay dunay mga sakyanan nga wala na molahos sa ilang biyahe tungod sa baha nga taga tuhod ug nahadlok silang mapagngan.

Ang usa sa mga gibahaan mao ang karsada sa Barangay Linao paingon sa lungsod sa Minglanilla. Gani giangkon ni Tumulak nga aduna gyuy mga PUJ nga nag trip cutting.

Apan si Tumulak nipasabot nga ila lang gi una ang pag asistar sa mga sakyanan kaysa sa pagdakop sa mga PUJ nga nag trip cutting. Ang lugar nga gibahaan gihulagway nga catch basin gumikan usab sa kalupa sa lugar. (/IBM)(BANATNEWS)