Tulo ka barangay sa Liloan gipaubos sa fire drill

CEBU, Philippines — Tulo ka sitio sa Barangay Poblacion, Lungsod sa Liloan ang gipaubos sa fire drill subay sa Oplan Ligtas Pamayanan nga proyekto sa Bureau of Fire kagahapon sa buntag.

Matud ni Fire Officer 3 Jonas Eustaquio, chief operation ug fire investigator sa Liloan Fire Station nga unang barangay ang Poblacion nga gipaubos nila sa fire drill.

Ang maong barangay gilangkuban kini sa tulo ka purok nga mao ang Pagatpat, Starfish ug Lusay nga pulos nahimutang diha sa daplin sa dagat.

Gibutyag ni Eustaquio nga napili nila ang maong purok tungod kay nahimutang kini sa fire prone areas sa Barangay Poblacion

Gawas sa fire drill ilaha usab nga giorganisar ang Civilian Fire Auxiliary Group nga maoy moabag sa kabomberohan kong ugaling adunay mahitabong sunog diha sa mga purok.

Si Eustaquio nagkanayon nga ang tumong sa pagpaubos sa fire drill sa mga fire volunteer, barangay tanod ug mga opisyal sa barangay lakip ang civilian fire auxiliary group aron sa higayon nga adunay motumaw nga insidente sa sunog makahibalo na sila sa ilang mga buhaton ug ang kabomberohan masayod na usab kinsa ang ilang mga kaabag diha sa mga purok.

Gibansay sa kabomberohan ang katawhan aron sila andam ug malikayan nga dunay makalas panahon kong adunay mga insidente nga motumaw.

Dugang ni Eustaquio nga ang pagbansay sa mga residente sa kabarangay gisubay kini sa programa sa Oplan Ligtas Pamayanan. (/BDB)(BANATNEWS)