Sports facility tukoron diha sa SRP
CEBU, Philippines – Ang Dakbayan sa Sugbo gikatakdang magtukod og multi-disciplinary sports facility diha sa South Road Properties (SRP).
Tumong niini nga masulbad ang ka kulang sa pasilidad alang sa mga kalihukan sa sports.
Si City Councilor Donaldo Hontiveros nagkanayon nga ang una nga plano mao ang pagtukod sa pasilidad diha sa duha ka ektaryang luna sa SRP.
“We really want to produce athletes that should be helping us internationally”, matud ni Hontiveros.
Niadtong Martes giaprobahan sa konseho sa siyudad ang resolusyon ni Hontiveros nga naghangyo kang Mayor Edgardo Labella nga lantawon ang pagtukod sa usa ka pasilidad sa multi-disciplinary sports facility diha sa SRP nga mahimong usa ka pasilidad sa sports sa habig sa habagatan.
Ang Cebu City Sports Center nga gipanag-iya usab sa siyudad mao ang habig sa amihanan nga distrito.
Sa pagkakaron ang CCSC lang ang pasilidad nga gamiton sa pagbansaybansay sa mga atleta ug sa mga tawo nga mag-exercise.
Kahinumduman nga buot usab sa nilabay’ng administrasyon nga magtukod og usa ka “one stop sports hub” diha sa SRP. (/BDB)(BANAT NEWS)
- Latest
