Mga sidewalk vendor gilugwayan hangtud Domingo

CEBU, Philippines – Gihatagan og lugway sa kagamhanan sa Dakbayan sa Sugbo ang 457 ka sidewalk vendors hangtud alas 12:00 sa udto karong Domingo, Septiyembre 29 alang sa ipahigayong clearing operation sa samang adlaw.

Buot ni Cebu City Mayor Edgardo Labella nga mahawanan ang sidewalk sa mga manindahay aron kini mabalik sa pedestrian.

Ang mga lugar sa siyudad nga maagian sa maong clearing operation karong Domingo gilangkuban sa Colon Street, Osmeña Boulevard ug A. Soriano Street.  

Gikompirma sa hepe sa Cebu City Prevention Restoration Order Beautification Enhancement (PROBE) Raquel Arce nga aduna sila’y gihatag nga relocation area alang sa mga sidewalk vendor.

Ang mga nakaestasyon sa Colon ug Osmeña Boulevard balhinon kini diha sa Tabo sa Banay sa P. Gullas o duol sa Senior Citizens Park samtang ang mga nakaestasyon sa A. Soriano balhinon duol sa SM City Cebu.  (/BDB)(BANAT NEWS)